LJÓSMYNDARINN

Erlingur Nökkvi Elíasson (f. 2. desember 1966) er íslenskur ljósmyndari sem hefur að mestu leyti einbeitt sér að svart / hvítum ljósmyndum af eyðibýlum og öðrum yfirgefnum mannvirkjum.

​

Nökkvi er fæddur þann 2. desember árið 1966 á Sauðárkróki og hóf sinn ljósmyndaferil upp úr 1987 en hefur nær eingöngu myndað eyðibýli og önnur yfirgefin hús síðustu árin. Verk hans hafa birst meðal annars á bókarkápum og í dagblöðum og tímaritum, hér heima og erlendis.

​

Nökkvi hefur haldið tvær sýningar á verkum sínum. Annars vegar í Ljósmyndasafni Reykjavíkur og svo hins vegar í Pakkhúsinu á Höfn í Hornafirði.

​

Nökkvi hefur gefið út 5 bækur í samstarfi við Aðalstein Ásberg Sigurðsson, rithöfund, ljóðskáld, tónlistarmann og útgefanda, þar sem þemað eru eyðibýli, ljóð og ljósmyndir.

​

Nökkvi er sonur Elíasar Halldórssonar myndlistarmanns og Ásthildar Ísidóru Sigurðardóttur. Bræður hans eru Gyrðir Elíasson rithöfundur, ljóðskáld og málari og Sigurlaugur Elíasson ljóðskáld og myndlistarmaður.